رام الله مكس-بعد انتشار قصة ابتزاز سائق من نابلس لعائلة من القدس ومطالبته بمبلغ 400 شيقل مقابل مساعدته لهم .. شقيق السائق ينشر ما يلي .. ويوضح ما حدث
النص كما كتبه شقيقه وطلب نشره لمعرفة ما جرى :
"بسم الله الرحمن الرحيم انا عبدالله مصطفى جازي اخ سائق التكسي العمومي الي حصلت معو المشكلة مع الجماعة المقدسية اولا كل الاحترام لاهلنا في القدس واحنا بنفتخر فيهم وصمودهم في ارضهم ودفاعهم عن المقدسات في القدس وثانيآ الموقف الي حصل مع اخي حسن جازي كان موخذ بنتو على المركز الصحي في قبلان ف بالصدفة يلتقي ف الجماعة المقدسية على مفرق قبلان ف بوقفو وكان برفقته امي واخوي الثاني ف بيجي واحد من الجماعة على اخوي بحكيلو احنا تايهين عن الطريق بدنا اياك ترشدنا على الطريق بدنا نطلع عالقدس والي بدك اياه بنعطيك اياه رجع اخوي عالبلد ووصل امي وبنته المريضة ورجع عند الجماعة ع مفرق البلدة وبعد ما قطع فيهم اكثر من خمس قرى مش مثل ما بحكو 6.5 كيلو متر وصلهم لبعد سوبر ماركت رامي ليفي ف واحد من الجماعة بيجي بعرض ع اخوي مبلغ 20 شيقل طيب ي جماعة يعني هل يعقل انو شوفير تكسي على الساعة وحدة ونص بالليل يلف كل هالقرى ويعرض نفسه وسيارته واخوه للخطر في هاي الاوضاع مقابل 20 شيقل ف اخوي الشوفير انصدم وحكالهم بالحرف الواحد انو هذا الحكي مش صح لو شوفير تكسي ثاني ما برضى يطلع في هاي الاوضاع وفي هاي الساعة المتأخرة من الليل اقل من ٤٠٠ شيقل ف بعد هيك حكالهم ادفعوا الي بطلع من نفسكم بس بحق الله ف الجماعة الله يسامحهم ركزوا ع كلمة 400 شيقل وهو فعليآ المبلغ الي اخذوا منهم 200 شيقل بعد مروره اكثر من خمس قرى وقطع مسافة طويلة وبالنسبة لموضوع الدبسات والعصي وانو اخوي قام بالاعتداء على الاطفال والنساء الي معهم هاض كلام واقسم بالله غير صحيح والفيديو واضح لكن تم اقتطاع الكلام الاولي الذي تحدث عنه اخوي انو لو شوفير ثاني في نص الليل كان اخذ 400 شيقل وهاي القصة الي حصلت وانا م بلوم الناس الي ما فهمت القصة المفروض يسمعوا للطرفين وليس لطرف واحد وفي النهاية نحن باسمنا وباسم والدنا نعتذر اذا بدر منا اي غلط اذا كان في غلط بالاصل خلاصة الحكي هاض الكلام مش تبرير ولكن للتوضيح مش اكثر من هيك دمتم بخير والسلام عليكم ورحمة الله"
