رام الله مكس :- مع صياح الديك الاول كان الاستاذ منصور مدرس التاريخ يستعد كعادته للتحرك في رحلة يومية نحو المدرسة الثانوية في قرية ام العبد ولان تكلفة المواصلات لو تاخر خمس دقائق ستكون باهضة مقارنة ببدل المواصلات فكان الحل تراكتور ابو جميل الشايب الي ينقله الى مدخل البلدة حيث الشارع الرئيسي فهو مضظر للوقوف امام المسجد الكبير لحين مرور التركتور .
بصوته المزعج ومشيته المضطربةوصلت وسيلة النقل المتوفرة مجانا وعلى طرف ” الجناح ” اليمين جلسالاستاذ منصور متعبطا كتابي التاريخ العربي الحديث وتاريخ اروروبا لوسطى تحت ابطيه موزعا فكره بين الامساك جيدا بطرف الجناح اليمين حتى لا يسقط وبين الكتب الملتصقة بابطه حتى لا تسحل من تحت ابطه الممسكة بها محاولا ابعاد قدمه عن مبدل السرعات ذو اليد الطويلة ” الجير ” حتى لا يسمع عبارة : ابعد اجرك عن الجير يا استاذ منصور .
ابو جميل وهو رجل اقترب من السبعين اشتعل راسه شيبا اعتاد على فتح نقاشات يومية مع االاستاذ منصور ليصرفه عنه صعوبة ركوب التراكتور وما تسببه من هزهزة ورجرجة وطقطقة وسحولة تشعرها تضرب بين العظم والمخ احيانا.
: شايفك مبسوط يا استاذ منصور اليوم على غير العادة خير ان شاء الله؟!!
: اه والله يا ابو جميل اليوم والله صحيت من الصبح متنشط وفرحان
: خير اللهم اجعله خير ؟؟
: اليوم يا حج ابو جميل بقولو في اجتماع لنقابتنا مع الحكومة ورح يحصلولنا زيادات وعلاوات
: الله يبشرك بالخير هاي والله بدها عزيمة يا استاذ
: ابشر والله يا ابو جميل طلبك بلسانك
: والله يا استاذ الي منك بركة بس ترا اقل من قص خروف محشي ما بنفع
: اعتبرو صار يا طيب وفضلك علينا كل هالسنين ما بينتسى وكثر الله خيرك
: خير الله يا زلمة بس حاسك رح تستتغني عني من هالخراف؟؟!!
: اه والله يا ابو جميل انا ان اجت هالزيادة والله ناوي اشتري سيارةاروح واجي فيها
: عالبركة يا استاذ والله انك بتستاهل واسمعت ناوي تجوز علام الصغير؟؟
: مع الزيادة ان اجت اليوم بكون عرس علام بعد شهر وعشر ايام وانتا اول المعزومين من اهل البيت تراك
: الله يجعله الف مبروك يا استاذ ، طيب ما بدكم تعمرو بيت بارض الحجة لطفية ؟
: مع الزيادة يا عمي يا ابوجميل قررت انا والمرة نترك البيت لعلام ونعمربيت في الارض خلينا نتوسع شوي
: مبارح شفتك عند شركة العمرة الي لابو الراجح شكلك اتوكلت على الله وقررت تزور بيت الله ؟
: لا والله يا عمي يا ابو جميل انا قلت مهي الزيادة جاي بشوف ابوالراجح يمكن يشوفلنا حجة لبيت الله ما دام خير الله رح يتوفر ويزيد .
: الله يعطيك يا استاذ منصور والله انك ابن حلال وبتستاهل كل خير
: والله يا عمي يا ابو جميل بدون جماعتنا الي في هالاتحاد ما بنعرف شو رح نعمل وبقولو هالمرة الزيادة محرزة .
: بقولو يا استاذ منصور رئيس الاتحاد ماخذ شهادته من اليابان ودايربقول انه بدو يشتغل عالطريقة اليابانية.
: وشو هي الطريقة اليابانية عمي ابو جميل ؟؟!!
: من يومين وبنتي الصغيرة ماجدة بتقرا بتقلي يابا باليابان بعطوالمعلم راتب وزير وبحترمو زي الامبراطور عشان هيك الله مهدي بال المعلمين عندهم .
: والله هالحكي بريح القلب يا عمي ابو جميل ، مش بقولك هالاتحاد نعمة يا رب لك الحمد
ويستطرد قالا : عارف يا عمي ابو جميل انا شفت قصص من بطولات النقاباتالي انتصرت في معاركها بس زي نقابتنا في التاريخ ما صار ، انا استاذ تاريخ وعارف .
: والله كل الاحترام يعني يا استاذ بنقدر نقول عنهم مثل مين ؟
تصل رسالة عاجلة على هاتف الاستاذ منصور ” رئيس الاتحاد يصرححققنا انجازا تاريخا .. جزء من النص مفقود “
: شفت يا ابو جميل .. الحمد لله .. يا رب لك الحمد .. الله يعزك يا رئيس الاتحاد
تصل بقية الرسالة “… عشرون شيقلا زيادة لكل معلم “
: استاذ منصور .. يا ساتر .. قوم يا استاذ .. يا لطيف .. يا استاذ شوصار .. استاذ منصور…. استاذ منصور
